Ástralía
![](/_next/image?url=%2Fassets%2Ficons%2Finhabitants.png&w=64&q=75)
Fólksfjöldi: 25,8 milljónir
![](/_next/image?url=%2Fassets%2Ficons%2Flanguage.png&w=64&q=75)
Tungumál: Enska
![](/_next/image?url=%2Fassets%2Ficons%2Fcurrency.png&w=64&q=75)
Gjaldmiðill: Dalur (dollari)
![](/_next/image?url=%2Fassets%2Ficons%2Fcapital.png&w=64&q=75)
Höfuðborg: Canberra
![Country Flag](https://images.prismic.io/farabara/1b0abc52-ced1-4fbc-932c-a5c6f3bac207_australia.png?auto=compress,format&rect=0,0,128,128&w=128&h=128)
Samveldið Ástralía (Commonwealth of Australia) skiptist í sex fylki og tvö svæði, hvert með sína höfuðborg. Landið er mjög strjálbýlt og býr þorri landsmanna í nokkrum stórum borgum við ströndina. Eyðimörk og kyrkingslegur gróður þekja meginhluta landsins. Menntun í landinu byggir að mestu leyti á breska menntakerfinu og þykir með þeim betri í heimi. Aðsókn erlendra nemenda hefur því aukist ár frá ári, þrátt fyrir umtalsverðan kostnað bæði við skólagjöld og ferðalög til og frá námsstað.
![](/_next/image?url=https%3A%2F%2Fimages.prismic.io%2Ffarabara%2Fb6260da6-bc15-4997-943c-7a3936d51ec3_astralia2.jpg%3Fauto%3Dcompress%2Cformat%26rect%3D1378%2C0%2C1668%2C2502%26w%3D400%26h%3D600&w=3840&q=75)
Að sækja um
Alls eru 43 háskólar í Ástralíu, þar af 3 reknir af einkaaðilum. Skólaárið er oftast frá miðjum febrúar og stendur fram til loka nóvember. Það skiptist í haustönn sem hefst um miðjan febrúar, og vorönn sem hefst í lok júlí og lýkur í lok nóvember. Umsóknarfrestir eru mismunandi eftir skólum. Umsóknareyðublöð fást hjá viðkomandi skóla, oftast á heimasíðum þeirra. Einkunnagjöf er mismunandi á milli háskóla í Ástralíu. Yfirleitt eru gefnir bókstafir sem síðan eru útskýrðir með orðum eins og „Distinction“. Hér má finna yfirlit.
Námsgráður
Námsgráður eru eftirfarandi:
- Diploma: 1-2 ára nám sem veitir ýmis atvinnuréttindi en er einnig hægt að nota sem grunn að bachelormámi og gildir þá sem eitt ár.
- Advanced Diploma: 1½-2 ára nám sem veitir ýmis atvinnuréttindi en er einnig hægt að nota sem grunn að bachelormámi og gildir þá sem eitt til tvö ár.
- Associate Degree: 2 ára nám sem veitir ýmis atvinnuréttindi en er einnig hægt að nota sem grunn að bachelormámi og gildir þá sem eitt og hálft til tvö ár.
- Bachelor Degree: 3 ára nám að lágmarki.
- Graduate Diploma: 1 árs nám sem bætist við bachelorsnám.
- Master Degree: 1½-2 ár ofan á bachelorsnám. Hægt er að velja á milli náms sem byggist á fyrirlestrum, rannsóknum eða blöndu af þessu tvennu.
- Doctorate (ph.d.): 3 ár að lágmarki eftir meistarapróf.
Skólagjöld
Skólagjöld eru greidd í ástralska háskóla og eru þau á á bilinu 16.000 og upp í 35.000 AUD á ári (u.þ.b. 1.5-3.3 milljónir króna) og fer það eftir fögum og skólum. Athygli námsmanna með börn á skólaaldri skal einnig vakin á því að greiða þarf fullt verð fyrir skólagöngu barnanna, þ.e. þau njóta ekki niðurgreiðslu ríkis og sveitarfélaga. Um verulega háar upphæðir kann að vera að ræða.
![](/_next/image?url=https%3A%2F%2Fimages.prismic.io%2Ffarabara%2F20950660-6eeb-4c80-b72c-f47165b7aea4_astralia3.jpg%3Fauto%3Dcompress%2Cformat%26rect%3D1408%2C0%2C2253%2C3379%26w%3D400%26h%3D600&w=3840&q=75)
![](/_next/image?url=https%3A%2F%2Fimages.prismic.io%2Ffarabara%2Fbece53a1-d353-43bc-ae68-e5d64567c2fc_astralia4.jpg%3Fauto%3Dcompress%2Cformat%26rect%3D644%2C0%2C889%2C1333%26w%3D400%26h%3D600&w=3840&q=75)
Leit að námi
Hér fyrir neðan eru ýmsar leitarvélar:
- GoodUniGuide: leitarvél um háskóla í Ástralíu. Einnig hægt að skoða gæðaniðurröðu (ratings) háskóla.
- Study in Australia – góð leitarvél og opinber síða um nám fyrir erlenda nema í Ástralíu.
- Australian Graduate – góð síða til að leita eftir námskeiðum “kúrsum”
- Open University Australia
- National registry of higher education providers
Nám á ensku
Allt háskólanám í Ástralíu fer fram á ensku. Íslenskir umsækjendur þurfa að taka enskupróf IELTS eða TOEFL.
Menntasjóður
Að flytja til
Dvalarleyfi: Sækja þarf um vegabréfsáritun (student visa) til að fá að stunda háskólanám í Ástralíu. Sendiráð Ástralíu gagnvart Íslandi er í Kaupmannahöfn, sjá hér fyrir neðan. Ástralska útlendingaeftirlitið Ástralska hagstofan
Húsnæði: Flestir háskólar reka stúdentagarða og er hægt að finna upplýsingar um þá á upplýsingavefjum þeirra. Hér fyrir neðan eru einnig krækjur á leitarvélar að húsnæði fyrir námsmenn: Student housing Australia Stúdentahúsnæði í Melbourne
Tryggingar: Áströlsk yfirvöld krefjast þess að erlendir nemendur kaupi sér sérstaka sjúkratryggingu (Overseas Student Health Cover (OSHC)), áður en þeir koma til landsins. Hjá nokkrum háskólum er tryggingin innifalin í skólagjöldum en aðrir krefjast viðbótargjalds fyrir hana, u.þ.b. 30 þúsund íslenskra króna (312 AUD) á ári. Tryggingin gildir ekki í öllum tilfellum og því getur verið nauðsynlegt að kaupa sér aukatryggingu.
Íslendingafélag: Íslendingafélagið í New South Wales
Sendiráð:
Utanríkisráðuneytið annast sendiráðstörf fyrir Íslands hönd en ástralskt sendiráð er í Kaupmannahöfn.