Ítalía

Ítalía liggur aðallega á Appenínaskaga sem gengur til suðausturs út í Miðjarðarhafið og minnir í lögun dálítið á stígvél. Að norðan nær landið upp í Alpafjöll. Lönd sem liggja að Ítalíu eru Frakkland, Sviss, Austurríki og Slóvenía. Einnig eru tvö sjálfstæð ríki umlukin af Ítalíu; San Marínó og Vatíkanið eða Páfagarður, sem er hluti af Róm sem er ein af söguríkustu og merkustu borgum Evrópu, stundum kölluð „borgin eilífa“. Í gegnum margar aldir var Ítalía í fararbroddi í Evrópu hvað varðar listir og menningu. Endurspeglast það m.a. í miklu framboði af listaskólum í landinu. Enda hafa Íslendingar helst sótt í listnám til Ítalíu ásamt námi í ítölsku.

Í landinu eru fjölmargir skólar á háskólastigi, meirihlutinn eru ríkisháskólar en hluti eru einkaskólar. Elsti háskóli í heimi er Háskólinn í Bologna stofnaður árið 1088.

Sumir háskólar eru með sérstakar deildir fyrir útlendinga eða bjóða upp á ítölskunám.

• Slíkt má einnig finna í Dante Alighieri stofnunum og fjölmörgum málaskólum. Í slíka málaskóla er sótt um með því að hafa samband við þá.

Þegar sótt er um háskóla á Ítalíu er best skoða vel heimasíðu skólans en annars er farið í gegnum vefinn Universitaly.

• Með umsókn þarf að fylgja prófskírteini, yfirleitt nægir að það sé á ensku en gott getur verið að athuga hvort krafist sé að þau séu þýdd á ítölsku. Þá þarf að fá löggilta skjalaþýðingu.

Ef óskað er eftir öðrum gögnum s.s. fjárhagsvottorði, prófskírteini og öðru, getur þurft að fá þau stimpluð af ítalska ræðismanninum á Íslandi.

Ef ekki er hægt að senda gögnin rafrænt þarf að senda þau beint til viðkomandi háskóla. Nauðsynlegt getur því verið að gefa sér nægan tíma í þetta ferli.

Til að fá inngöngu í grunnnám í háskóla þarf stúdentspróf, en BA eða BS próf frá Íslandi á að gilda inn í framhaldsnám.

Yfirleitt þarf einnig að sýna fram á kunnáttu í ítölsku eða í ensku, ef námið fer fram á ensku. Háskólarnir veita sjálfir upplýsingar um hvort farið er fram á tungumálapróf og þá hvaða próf þeir fara fram á.

Yfirleitt eru inntökupróf í ítölsku við háskólana í september.

Algeng tungumálapróf, viðurkennd af flestum háskólum:

CILS (Certificazione di Italiano come Lingua Straniera)

CELI (Certificati di Lingua Italiana)

PLIDA (Progetto Lingua Italiana Dante Alighieri)

Tungumálaskólar á Ítalíu

Italian schools, raðað eftir landsvæðum

Tungumálastofnun Dante Alighieri – um alla Ítalíu

Study abroad Italy.com – tungumál, listnám, ofl.

Scuola Toscana í Flórens.

Laurea
Grunnám á Ítalíu kallast Laurea (180 ECTS) og tekur 3 ár. Þar sem námstími er þrjú ár er gráðan einnig stundum kölluð Laurea trinnale.

Laurea Magistrale
Framhaldsnám, algengasta meistaragráðan kallast Laurea Magistrale/Laurea Specialistica og tekur 2 ár.

Dottorato di ricerca
Doktorsnám tekur 2 ár og skiptist í rannsóknir og kennslu.

Borga þarf skólagjöld í nánast alla háskóla á Ítalíu, en þau eru mishá. Innritunargjöld eru á bilinu 1.000 til 1.600 evrur.

Study in Italy (leitarvél á ensku)

Menntasjóður

Námsmenn geta fengið námslán til tungumálanáms ef það er nauðsynlegur undirbúningur undir frekara nám í landinu. Lánið er ekki greitt út fyrr en sýnt er fram á innritun í frekara lánshæft nám í sama landi eða málsvæði.

Dvalarleyfi

Ekki þarf vegabréfsáritun til Ítalíu, en námsmenn ættu að fara þangað tímanlega til að skrá sig í landið og koma sér fyrir. Á vefsíðu Schengen samstarfsins má kynna sér málið nánar.

Nauðsynlegt er að skrá sig hjá sínu sveitarfélagi ef dvalist er lengur en í 3 mánuði í landinu. Slíkt er kallað iscrizione anagrafica og til að sækja um það þarf:

• 4 passamyndir, nýlegar og allar eins
• vegabréf og 2 ljósrit af því
• staðfestingu frá skóla um innritun og 1 ljósrit af henni
• staðfestingu á framfærslu (t.d. frá Menntasjóði eða banka)
• Evrópska sjúkratryggingarkortið.

Þegar endurnýja þarf skráninguna þarf að hafa með sér sömu atriði og hér að ofan auk:

• fyrri skráningu í landið (iscrizione anagrafica) og 1 ljósrit af því
• staðfestingu frá skóla um innritun (allt námsárið) og 1 ljósrit af henni

Húsnæði

Húsnæðismál geta verið áskorun fyrir þau sem fara til Ítalíu í nám. Í Flórens, Feneyjum, Bologna og Mílanó er húsnæði dýrt og getur verið erfitt að finna íbúðir við hæfi.

• Húsnæði er yfirleitt leigt með húsbúnaði.
• Sumir einkaskólar sjá um að útvega húsnæði.
• Einkareknar leigumiðlanir kunna að vera góður kostur í upphafi.

Best er að fara utan nokkru áður en skóli hefst til að ganga frá íbúðarmálum og skráningu í landið.

Hér fyrir neðan eru hlekkir á nokkrar síður þar sem hægt er að leita að húsnæði á Ítalíu.

• Erasmusu
• Uniplaces
• University Rooms
• Educations

Sendiráð 

Sendiráð Íslands gagnvart Ítalíu er í Róm og ítalska sendiráðið er í Osló